სამეცნიერო ჟურნალი საქართველოს საინჟინრო სიახლენი - Georgian Engineering News (GEN) არის რეცენზირებადი და რეფერირებადი პერიოდული გამოცემა. მისი დამფუძნებელი და მთავარი რედაქტორი გახლდათ საქართველოს ტექნიკური უნივერსიტეტის პროფესორი ვლადიმერ დოლიძე.

ჟურნალი GEN გამოდის საერთაშორისო საინჟინრო აკადემიის და საქართველოს საინჟინრო აკადემიის ეგიდით. მასში იბეჭდება საინჟინრო დარგის ორიგინალური, თეორიული და ექსპერიმენტული შრომები ენერგეტიკის, ტრანსპორტის, მშენებლობის, მანქანათმშენებლობის და ხელსაწყოთმშენებლობის, ელექტროტექნიკის, ელექტრონიკის და ინფორმატიკის, ქიმიური, მსუბუქი და კვების მრეწველობის, მეტალურგიის, გეოლოგიის, აგროტექნიკის, ეკოლოგიის, ეკონომიკის და სხვა დარგებში.